صوت الحق

تلاتين سنة خايف أقول لأ

عايش بموت من غير صوت

واللى يصرخ ياخدوه بالنبوت

كتموا صوتنا ودخلونا الشق

والظلم ياقلبى ياما علينا دق

سمعت الرصاص قلبى انشق

لما لقيت اللى بيموت مبسوط

مبسوط علشان بيقول الحق

بسيونى وأحمد وسالى و فلان

صورتهم مرفوعة ف كل ميدان

رافعينهم أحمد ومينا وعبد الحق

آخر كلامى ياولادى بوصيكم

مصر حنسيبها أمانة ف ايديكم

وحفضل أقول الحق لحد ما أموت

اوعوا يكتموا ليكم فى يوم صوت

اتمنى أشوف رأيكم ايه